हनुमानाची उपासना

हनुमान हा श्रीरामावरील अतूट भक्तीसाठी ओळखला जातो आणि तो चिरंजीवी आहे. हनुमानजींना संकटमोचक असेही म्हणतात कारण ते आपल्या भक्तांचे सर्व दुःख दूर करतात. हनुमान हा बुद्धी, सामर्थ्य, धैर्य, भक्ती आणि आत्मशिस्तीचा देव आहे. तो शिवाचा अवतार असून त्याच्या कथा केवळ रामायणातच नव्हे तर महाभारत आणि विविध पुराणांमध्येही सांगितल्या जातात. त्याच्या हनुवटीवर वज्र लागल्यामुळं त्याला "हनुमान" म्हणतात. तो अंजनीचा मुलगा असल्यामुळं त्याला "आंजनेय" म्हणतात. शिवाय त्याचं अंग वज्रासारखं मजबूत असल्यामुळं त्याला "वज्र अंग = बजरंग" असं सुद्धा म्हटलं जातं. त्यालाच मरुत (वायू) चा मुलगा असल्यामुळं "मारुती" असंही म्हणतात, तसेच शिवाचा अवतार किंवा अंश असल्यामुळे त्याला "शिवांश" असेही नाव आहे.

मंगळवार आणि शनिवार हे दोन्ही दिवस हनुमानजीच्या उपासनेसाठी योग्य मानले जातात.

मंगळवार: मंगळवार हनुमानजीचा दिवस मानतात आणि त्याच दिवशी त्यांची विशेष पूजा आणि उपासना केली जाते कारण हनुमानजी मंगळ ग्रहाचे प्रतिबिंब आहेत. पौराणिक मान्यतेनुसार बजरंगबलीचा जन्म मंगळवारीच झाला होता. या कारणास्तव, हा दिवस त्यांच्या पूजेला समर्पित आहे. यामुळेच मंगळवारी हनुमानजींचे व्रत केले जाते. या दिवशी व्रत आणि सुंदरकांड पठण केल्याने मंगळ ग्रहाचा अशुभ प्रभाव दूर होतो. या दिवशी ‘॥ ओम श्री हनुमंते नमः॥’ किंवा '॥ ॐ नमो हनुमते रूद्रावताराय, सर्वशत्रुसंहारणाय, सर्वरोगहराय, सर्ववशीकरणाय, रामदूताय स्वाहा॥' या मंत्राचा जप केल्यास विशेष फळ मिळते. ज्योतिष शास्त्रानुसार जर एखाद्या व्यक्तीच्या कुंडलीत मंगल दोष असेल तर त्याला लाख प्रयत्न करूनही यश मिळत नाही. अशा परिस्थितीत मंगळवारी अवलंबलेला हा उपाय खूप प्रभावी ठरतो. मंगळवारी एक नारळ घेऊन लाल रंगाच्या कपड्यात बांधून हनुमान मंदिरात अर्पण करा किंवा वाहत्या नदीत अर्पण करा. हा उपाय 7 मंगळवारपर्यंत करा. घरात सुख, शांती आणि समृद्धी मिळवायची असेल, जीवनात प्रगती करायची असेल तर मंगळवारी हनुमानजींच्या मंदिरात जाऊन त्यांची पूजा करावी आणि त्यांना गूळ, हरभरा आणि मुग अर्पण करावी. हे 21 मंगळवारपर्यंत करावे. मंगळवारी हनुमानाची पूजा केल्याने, मंगळ ग्रहाचे हानिकारक प्रभाव जसे की विवाद, अपघात आणि आरोग्य समस्या कमी होतात आणि त्याऐवजी ती उर्जा धैर्य, शिस्त आणि लवचिकतेमध्ये रूपांतरित होते.

शनिवार: शनिवार हनुमानजीच्या उपासनेचा दुसरा महत्वपूर्ण दिवस आहे. हनुमानजीच्या उपासनेद्वारे, लोकांच्या शनि ग्रहाच्या दोषांच्या परिणामांवर नियंत्रण मिळतो असे म्हटले जाते. शनि ग्रहाचे दोष काढून टाकण्यासाठी आणि शनि ग्रहाच्या शुभ फलांचा अवलंब करण्यासाठी लोक शनिवारी हनुमान मंदिरात जातात. हनुमानजीच्या उपासनेद्वारे, लोक शनि ग्रहाच्या शुभ फळांना आकर्षित करण्याचा प्रयत्न करतात. यामुळे लोकांच्या आयुष्यात समृद्धि, स्थिरता, आणि आरोग्याचे प्राप्ती होते. वैदिक ज्योतिष शास्त्रानुसार, ग्रहांची स्थिती आणि त्यांच्या चालींचा मनुष्याच्या जीवनावर चांगला आणि वाईट प्रभाव पडतो. मंगळ, शनि, राहू आणि केतु हे चार क्रूर ग्रह मानले जातात. जर हे ग्रह कमजोर असतील किंवा पीडित असतील तर व्यक्तीच्या जीवनात अनेक समस्या निर्माण होतात.

मारुति स्तोत्र: हे ग्रहदोष निवारणासाठी अत्यंत प्रभावी मानले जाते. मारूती स्तोत्र हे समर्थ रामदास स्वामी यांनी लिहिले आहे. हे श्री हनुमानाचे मोठे भक्त होते. हे स्तोत्र अत्यंत प्रभावशाली आहे आणि याच्या माध्यमातून बजरंगबलीचे आशीर्वाद प्राप्त करता येतात. नियमित विधिपूर्वक मारुति स्तोत्र पठण केल्याने मंगळ, शनि, राहू आणि केतु यांच्या दोषांपासून मुक्तता मिळते आणि त्यांचे शुभ परिणाम अनुभवायला मिळतात. शनिवारी 121 वेळा हनुमान मंदीरात हे स्तोत्र मोठ्याने म्हणून सिद्ध करावे आणि नंतर रोज 11 वेळा याचे पठण करावे. पठण करताना मन शांत आणि एकाग्र ठेवावे तसेच मारुती उपासकाने मांसाहार, दारू, सिगारेट, व व्यसने यापासून लांब राहावे.

ज्याच्या जीवनात हनुमानाचे आशीर्वाद असतात, त्याच्या जीवनात कोणतेही संकट येत नाही.