रजनीकांत जोक्स

सूचना: रजनीकांतच्या जोक्सला हसू नये अशी प्रथा आहे. त्याचे कारण सर्वात शेवटी दिले आहे. 🤔 🤣

• 'जागतीक तापमान वाढ ' ही संकल्पना खोटी आहे, एकदा रजनीकांतला थंडी वाजत असल्याने त्यानेच 'सुर्याचे' तापमान वाढवले होते ते आता तसेच राहिले आहे.

• रजनीकांत आरश्यात पाहतो तेव्हा आरशाचे तुकडे होतात कारण दोन दोन रजनीकांतांच्या मध्ये उभे राहण्याची आरश्याची हिंमत होत नाही.

• एकदा एका माणसाने जळती सिगारेट हवेत भिरकावली. ती एका ग्रहावर जाऊन पडली. तो ग्रह धडाडून पेटला. त्यालाच सूर्य असे म्हणतात आणि त्या माणसाला रजनीकांत असे म्हटले जाते.

• रजनीकांतने एकदा ठरवलं की आपल्याकडचं किमान एक टक्का ज्ञान तरी जगाला द्यायचं. त्यातूनच ‘गुगल’चा जन्म झाला.

• एक ईमेल पुण्याहून मुंबईला पाठवलं गेलं. रजनीकांतने ते लोणावळय़ातच अडवलं!

• पुण्यात नळ स्टॉपला थांबून रजनीकांत स्वारगेट उघडतो.

• इजिप्तमधील पिरॅमिड हे खरेतर रजनीकांतचे चौथीतले भूगोलाचे प्रोजेक्ट्स आहेत.

• रजनीकांतने त्याचा फोन व्हायब्रेटर मोडवर ठेवला आहे, त्यामुळे भूकंप प्रवण भागातील लोकांनी अलर्ट रहावे! जनहितार्थ सूचना जारी.

• एकदा जेम्स बाँडने एका माणसावर गोळी झाडली आणि तो म्हणाला, ‘‘आय अ‍ॅम बाँड, जेम्स बाँड.’’ 

त्या माणसाने ती गोळी हातात झेलली आणि बाँडवर फेकून मारली. बाँड जागीच गतप्राण झाला, तेव्हा तो माणूस म्हणाला, ‘आय अ‍ॅम कांत, रजनीकांत. येन्ना रास्कला.’’

• एक भूत मध्यरात्री 12 वाजताच्या ठोक्याला दुस-या भुताला म्हणालं, ‘‘उगाच थरथर कापू नकोस. वेडय़ासारखं घाबरू नकोस. हे सगळे मनाचे खेळ असतात. रजनीकांत वजनीकांत

जगात काहीही नसतं!’’

• रजनीकांत सफरचंदामधून आंब्याचा रस काढू शकतो.

• रजनीकांत कॉफी च्या बीयांपासून चहा बनवून पीतो.

•  फार फार पूर्वी , रजनीकांतला चौकोनी पृथ्वी आवडली नव्हती, म्हणून त्याने पृथ्वीला गोल केले.

•  रजनीकांत लाल रंगाच्या मदतीने बिल्डींगला पिवळा रंग देतो.

•  रजनीकांतने पाठवलेला एस.एम्.एस. फॅक्स मशीन मधून बाहेर येतो.

•  एकदा 'किंग कोब्र्याने' रजनीकांत ला दंश केला , ५ दिवसांनंतर 'किंग कोब्रा' मेला

•  तुम्ही एका दगडात २ पक्षी मारत असाल तर रजनीकांत एका पक्ष्याने २ दगड खतम करू शकतो.

•  रजनीकांत मॉनिटर, सिपीयु, कीबोर्ड, माऊस, चार्जर या सगळ्यांना एकत्रीत सिलेक्ट करून डीलीट करु शकतो.

•  जेम्स बॉण्ड जवळ कुणालाही मारण्याचे लायसन्स आहे, म्हणजे "लायसन्स टू किल एनीबडी" पण रजनिकांतजवळ "जेम्स बॉण्ड ला मारण्याचे लायसन्स" आहे.

•  रजनीकांतला एकदा तो कोळी चावला जो स्पायडरमॅनला चावला होता. आज तो कोळी एकटा सहा कोळ्यांना पीटून काढतो.

•  कांद्यामुळे तुमच्या डोळ्यात पाणी येत असेल पण 'रजनीकांत' कांद्याच्या डोळ्यात पाणी आणू शकतो

• फक्त रजनीकांत "मुक्ताफळ" खाऊ शकतो.

• रजनीकांत 'रिसायकल बिन' डिलीट करू शकतो

• रजनीकांत 'कॉर्डलेस फोन' च्या साह्याने गळफास देउ शकतो

• रजनीकांत पीयानो मधून 'व्हायोलीन' वाजवू शकतो

• रजनीकांत खोलीत प्रवेश केल्यावर तेथील अंधार दूर करण्यासाठी तो लाईट चालु करत नाही, त्याऐवजी तो अंधार बंद करतो

•  रजनीकांतला एकदा 'हार्ट-ऍटॅक' आला होता, तेव्हापासून त्याचे हृदय बेपत्ता आहे.

•  रजनीकांतच्या दिनदर्शीकेत १ एप्रील ही तारीख नाही , कारण त्याला कोणीच मुर्ख बनवू शकत नाही.

•  जर 'ब्रेट ली' ताशी १५० किमी वेगाने चेंडू फेकत असला तरी रजनीकांत 'ब्रेट ली' ला त्यापेक्षा जास्त वेगाने फेकून देउ शकतो

•  गणिती व्याख्येमध्या 'पाय' चा शेवटाचा अंक रजनीकांत आहे की ज्याला कधीच अंत नाही!

•  रजनिकांतला त्याचा शत्रू कुठे राहतो ह्याच्याशी काही देणे घेणे नाही पण तो कुठे मरणार आहे हे 'रजनीकांत' ठरवतो.

•  कुठल्याही बंदूकीची गोळी त्याचे शरीर भेदण्यास समर्थ नाही पण तो आरामात गोळीचे २ तुकडे करू शकतो

•  जर तुम्ही 'गूगल सर्च' मध्ये रजनीकांतचे 'स्पेलींग' चूकीचे लिहले तर 'तुम्हाला रजनीकांत म्हणायचे आहे का ?' ह्या एवजी 'पळा, तुमच्याकडे अजून संधी आहे' असा संदेश येतो.

• आजचे सर्वोत्तम किटकनाशक ९९.९९% किटकांचा सफाया करण्याचा दावा करते, पण रजनीकांत ला जर कुणाला मारायचे असेल तर तो मरण्याची शक्यता केवळ १०० % च असते.

•  रजनीकांत रात्री 'भिंगाच्या' साह्याने आगपेटी पेटवतो.

•  त्याने एकदा जोराने आरोळी ठोकून 'अमेरिकन फायटर प्लेन' पाडले होते.

•  घरात असणाऱ्या कोणत्याही वस्तूने तुम्हाला रजनीकांत मारू शकतो, यात त्या घराचाही समावेश होतो.

•  असे म्हणतात की 'प्रत्येक यशामागे एक स्त्री असते" , तर "प्रत्येक मारल्या गेलेल्या माणसामागे एकच रजनीकांत असतो".

•  जर तुम्ही त्याला "नो बडी इज परफेक्ट" हे ऐकवले तर तो हा त्याचा वैयक्तीक अपमान मानून तुमच्यावर पुढील योग्य कारवाई करेल.

•  देव स्वर्गात राहतात कारण त्यांना रजनीकांत सोबत पृथ्वीवर राहणे परवडणार नाही.

•  जेव्हा तो व्यायामासाठी 'पुश-अप्स' काढतो तेव्हा तो स्वताला वर उचलत नसून जमीनीला खाली ढकलतो

•   त्याच्या पळण्याचा वेग प्रचंड आहे, तो कुठल्याही वस्तू भोवती जोरात गोल पळून स्वताच्या 'पाठीला धप्पा ' देऊ शकतो

•   तो घड्याळ घालत नाही, कारण तो स्वत: वेळ ठरवतो

•   'मोनालीसा'ने जेव्हा रजनीकांतला पाहिले तेव्हा तिच्या चेहऱ्यावर जगप्रसिध्ध हास्य उमटले

•   त्याच्या घराला दारे/खिडक्या नाहीत , तो जाण्या-येण्यासाठी भिंतींचा वापर करतो

•  गूगल-सर्च मध्ये 'रजनीकांत मार खाताना' शोधाचे "०" परिणाम येतात.

• संता आणि बंता हे दोघे रजनीकांतला 999 कोटी रुपये भेट देणार आहेत. टोकन मनी म्हणून.. लोकांचं लक्ष त्यांच्यावरून उडवल्याबद्दल

• एकदा क्रिकेट खेळत असताना रजनीकांतने एक चेंडू फक्त स्थिर बॅटने नुसताच तटवला. आज त्या चेंडूला लोक प्लुटो या नावाने ओळखतात.

• रजनीकांत एकदा चेन्नईमध्ये मॉर्निग वॉकसाठी बाहेर पडला, दुपारी त्याला अमेरिकन पोलिसांनी अटक केली, बिना पासपोर्ट-व्हिसा अमेरिकेत प्रवेश केल्याबद्दल!

• एक दिवस रजनीकांत सूर्याकडे एकटक पाहात राहिला. शेवटी सूर्याचीच पापणी लवली.

• ‘रोबो’ सिनेमा हिट झाला, तेव्हा रजनीकांतने ‘टाइम्स ऑफ इंडिया’ला चार स्टारचे रेटिंग दिले.

• देवाला जेव्हा जेव्हा मानसिक धक्का बसतो, तेव्हा तो ‘अरे रजनीकांता’ असे उद्गारतो.

• रजनीकांत घडय़ाळ घालत नाही. कोणत्याही वेळी किती वाजलेत, हे तोच ठरवतो.

• लहानपणी रजनीकांतची खेळणी एकदा हरवली. ती जागा आज ‘एस्सेलवर्ल्ड’ म्हणून प्रसिद्ध आहे.

• न्यायदेवतेने एकदा रजनीकांतकडे क्रुद्ध नजरेने रोखून पाहिले होते, ती आजतागायत आंधळी आहे.

• रजनीकांत खिडकी उघडी ठेवून एसी चालू करतो, तेव्हा देशात हिवाळा सुरू होतो.

• रजनीकांतशी गप्पा मारताना, राज ठाकरेही तामिळ बोलतात.

• पॉवर ऑफ रजनीकांत! तुम्ही रजनीकांतचा जोक एका माणसाला फॉरवर्ड करता, तो एका तासात एक कोटी माणसांपर्यंत पोहोचतो.

• मुंबईतली वीज कधी कधी अचानक थोडय़ा वेळासाठी गायब होते. कारण, तेव्हा रजनीकांतने आपला फोन चार्जिगला लावलेला असतो.

• रजनीकांतने एक दिवस शाळेला बुट्टी मारली. शाळेने तो दिवस रविवार असल्याचे जाहीर करून टाकले. तेव्हापासून रविवारी सुट्टी असते.

• एकदा एका माणसाने रजनीकांतशी कट्टी केली, तो माणूस कायमचा mute झाला.

• एकदा रजनीकांतने त्याच्या घरातील स्पीकरचा आवाज एवढा वाढवला की, विजांच्या कडकडाटासह ढग नसतांना पाऊस पडू लागला.

• रजनीकांतला एकदा एका रिपोर्टरने विचारले, ‘‘मोबाइल आणि इंटरनेटवर फिरणाऱ्या रजनीकांत जोक्सविषयी तुझं मत काय?’’ रजनीकांतने गंभीरपणे प्रतिप्रश्न केला, "तुला खरंच वाटतं की ते काल्पनिक विनोद आहेत म्हणून?’’

• रजनीकांत एका मुलाबरोबर पत्ते खेळत होता. रजनीकांतकडे तीन एक्के होते. तरीही तो डाव हरला. का? कारण त्या मुलाकडे तीन रजनीकांत होते.

• रजनीकांतच्या घरी मादाम तुसादचा मेणाचा पुतळा आहे.

• प्रागैतिहासिक काळात डायनॉसोरांनी रजनीकांतकडून पैसे उसने घेतले होते, ते परतच केले नाहीत. तेव्हापासून आजतागायत डायनॉसोर कोणाला दिसलेले नाहीत.

• एकदा एका ट्रेनची सायकलशी टक्कर झाली आणि ट्रेन रुळावरून घसरली.. सायकलचालक रजनीकांत फरारी झाला आहे.

• रजनीकांत कुत्र्याला फिरायला नेतांना साखळी बांधत नाही. तो कुत्र्याला ब्लू टूथ ने मोबाईलला कनेक्ट करतो.

• ‘‘बेटा रजनीकांत आपल्या सोलर वॉटर हीटरमधून गार पाणी येतंय रे,’’ आईने ओरडून सांगितले. रजनीकांत तडक आकाशात गेला आणि सूर्य दुरुस्त करून आला.

• रजनीकांतच्या गर्लफ्रेंडने एकदा त्याला सांगितलं, ‘‘मला सतत अशी भावना होते की कुणीतरी माझा पाठलाग करतंय.’’

दुसऱ्या दिवशी अचानक ती चित्कारली, ‘‘माय गॉड, माझी सावली कुठे गेली?’’

• प्राध्यापकाने एका मुलाला विचारले, ‘‘तुला भविष्यात काय करायचे आहे?’’

मुलगा उत्तरला, ‘‘एमबीबीएस झाल्यावर आयएएसची परीक्षा देऊन पोलिस फोर्समध्ये जायचंय. नंतर चांगल्या सॉफ्टवेअर कंपनीमध्ये नोकरी करता करता उत्तम वकील म्हणून

नाव कमावायचंय. भव्य बिल्डिंग उभारून मॉलिक्युलर बायोलॉजीमध्ये संशोधन करून नोबेल मिळवायचंय आणि अभिनयाचं ऑस्कर.’’

प्रोफेसर म्हणाले, ‘बाप रे, तुझं नाव काय?’’

"रजनीकांत."

• ‘‘आई आई, तो बघ तारा तुटला!’’

‘‘नाही रे बाळा, आजकाल काही भरवसा नाही. रजनीकांतने एखादा दगड फेकून मारला असेल सूर्याला!’’

• एकदा पाऊस पडत असताना रजनीकांतला क्रिकेट खेळायची इच्छा झाली. त्या दिवशी पाऊस थांबवण्यात आला.

• बरं झालं शोले मध्ये रजनीकांत नव्हता. नाहीतर जय आणि विरू ची भूमिका त्याने एकट्यानेच केली असती.

• एकदा रजनीकांतने दोन हत्ती, दोन ऊंट, दोन घोडे पाळले आणि लष्कराकडून काही सैनिक मागवून घेतले. कारण, त्याला बुद्धिबळ खेळण्याची हुक्की आली होती.

• त्सुनामी कशा तयार होतात..

अर्थातच, समुद्राच्या पोटात भूकंप झाल्यामुळे!

प्रत्येक गोष्ट रजनीकांत करेल की काय?

• एकटय़ाने समूहगीत कोण गाऊ शकतो? अर्थातच रावण यार! प्रत्येक गोष्ट रजनीकांत कसा करेल?

• रजनीकांतचे जोक वाचून हसणाऱ्याला रजनीकांत गुदगुल्या करून रडवतो. म्हणून रजनीकांतच्या जोक्सला हसू नये अशी प्रथा आहे.